გივი მიქანაძე: ერთ-ერთი მნიშვნელოვანი მიმართულებაა სოციალური თანასწორობის უზრუნველყოფა სკოლაში და ჩვენ შემოგვაქვს სასკოლო ფორმის კულტურა
იმედი|imedinews.ge
ერთ-ერთი მნიშვნელოვანი მიმართულებაა სოციალური თანასწორობის უზრუნველყოფა სკოლაში და ჩვენ შემოგვაქვს სასკოლო ფორმის კულტურა, - განაცხადა გადაცემაში „ღია ეთერი“ განათლების, მეცნიერებისა და ახალგაზრდობის მინისტრმა გივი მიქანაძემ.
მისივე თქმით, პირველკლასელები 15 სექტემბერს სკოლის ფორმებით შევლენ საჯარო სკოლებში.
„ვფიქრობ, რომ ეს ძალიან მნიშვნელოვანია, საზოგადოებისა და მომავალი თაობის ინტერესებიდან გამომდინარე, უზრუნველყოფილი იყოს, რომ სწავლების პროცესში მაქსიმალური კონცენტრირება მოხდეს სასწავლო პროცესზე“, - აღნიშნა მინისტრმა.
გივი მიქანაძემ ასევე ილაპარაკა ბრძანებაზე, რომელიც ზღუდავს ელექტრონული საშუალებების, მობილურების, სხვადასხვა გაჯეტებისა და საათების გამოყენებას საგაკვეთილო პროცესის დროს.
გაზიარება:
იმედი
წყარო: imedinews.ge