გურამ მაჭარაშვილი სააკაშვილის განცხადებაზე: ეს ნიშნავს სწორედ იმას, რომ საქართველოს ინტერესები კი არ იყო სააკაშვილისთვის და „ნაცმოძრაობისთვის“ პირველ რიგში ან არის, არამედ, იყო ამერიკის ინტერესები ან ევრობიუროკრატიების ინტერესები. ეს არის მათი სტილი

ლავირებას სააკაშვილი სახელმწიფოებს შორის - ამერიკა, რუსეთი აკეთებდა იმისთვის, რომ თვითონ დარჩენილიყო ხელისუფლებაში. დღეს ლავირება სახელმწიფოებს შორის კეთდება იმისთვის, რომ საქართველოში იყოს მშვიდობა, - ასე გამოეხმაურა „ხალხის ძალის“ აღმასრულებელი მდივანი გურამ მაჭარაშვილი სააკაშვილის განცხადებას.

მისი თქმით, სააკაშვილის პოზიცია კიდევ ერთხელ ადასტურებს, რომ მისთვის საქართველოს სახელმწიფოებრივი ინტერესები მნიშვნელოვანია არასდროს ყოფილა.

„ეს ნიშნავს სწორედ იმას, რომ საქართველოს ინტერესები კი არ იყო სააკაშვილისთვის და „ნაცმოძრაობისთვის“ პირველ რიგში ან არის, არამედ, იყო ამერიკის ინტერესები ან მაგალითად ევრობიუროკრატიების ინტერესები ან სხვა ქვეყნის ინტერესები. ეს არის მათი სტილი. ლავირებას სააკაშვილი სახელმწიფოებს შორის - ამერიკა, რუსეთი აკეთებდა იმისთვის, რომ თვითონ დარჩენილიყო ხელისუფლებაში. დღეს ლავირება სახელმწიფოებს შორის კეთდება იმისთვის, რომ საქართველოში იყოს მშვიდობა“, - განაცხადა გურამ მაჭარაშვილმა.

პატიმარი ექსპრეზიდენტი, მიხეილ სააკაშვილი აცხადებს, რომ ბიძინა ივანიშვილი „ძალიან ცუდად დაამთავრებს ამერიკელებთან" და ამაში აბსოლუტურად დარწმუნებულია. აღნიშნული განცხადება „ქართული ოცნების“ დამფუძნებლისა და საპატიო თავმჯდომარის შესახებ სააკაშვილმა სასამართლო პროცესზე გააკეთა.