გურამ მაჭარაშვილი სააკაშვილის მიერ ოქრიაშვილის მხარდაჭერაზე: ეს არის იმის მორიგი მტკიცებულება, თუ როგორი საქართველოს აშენება უნდოდა მას, როცა ის ბელადი და ძალაუფლებაში იყო

„ხალხის ძალის“ აღმასრულებელი მდივანი გურამ მაჭარაშვილი ონისე ოქრიაშვილის მიმართ მსჯავრდებულ მიხეილ სააკაშვილის მხარდაჭერას აფასებს.

„ეს არის იმის მორიგი მტკიცებულება, თუ როგორი საქართველოს აშენება უნდოდა მას, როცა ის ბელადი და ძალაუფლებაში იყო - უნდოდა მათი საქართველოს აშენება, რომლებსაც არც მწერალი უნდათ და აგინებენ, ისტორიას აგინებენ, საზოგადო მოღვაწეებს აგინებენ, ზოგადად, ვისაც მოუნდებათ და ვინც მათი წინააღმდეგი იქნება, შეურაცხყოფას მიაყენებენ, შეაგინებენ. ეს არის კლასიკური მაგალითი იმისა, თუ როგორი ქართველის გამოყვანა უნდოდათ, რა თქმა უნდა, ქართული საზოგადოებისგან უარი მიიღო და დღესაც უარს იღებს“, - განაცხადა მაჭარაშვილმა.

„რა კარგი ბიჭია ონისე ოქრიაშვილი, კომიკოსი რომელსაც თავს დაესხნენ ქოცების ზონდერები, ნათელი, განათლებული, გონებაგახსნილი, პოზიტიური!" - წერს სოციალურ ქსელში მსჯავრდებული მიხეილ სააკაშვილი.

ოპოზიციის აქტივისტ ონისე ოქრიაშვილს, რომელიც ერთ-ერთ პოდკასტში მწერალ ნოდარ დუმბაძის მისამართით სიძულვილის ენას იყენებს, ფიზიკურად გაუსწორდნენ.