გურამ მაჭარაშვილი: საქართველო-აშშ-ის პოზიციები დადებით კონტექსტშია დაფიქსირებული. ეს რა თქმა უნდა, ნიშნავს, რომ ნელ-ნელა პოზიციები შეჯერდება

„ხალხის ძალის“ აღმასრულებელი მდივანი გურამ მაჭარაშვილის შეფასებით, ამერიკის სახელმწიფო მდივნისა და მისი მოადგილის განცხადებები მიუთითებს, იმას, რომ ორ ქვეყანას შორის ნელ-ნელა, პოზიციები შეჯერდება.

მისი თქმით, ეს იმ პოლიტიკის შედეგია, რომელსაც ქვეყანა 2022 წლიდან ავითარებს.

„ორივე მხარის პოზიცია დადებით კონტექსტშია დაფიქსირებული. ეს, რა თქმა უნდა, ნიშნავს, რომ ნელ-ნელა, პოზიციები შეჯერდება. ეს არის იმ პოლიტიკის შედეგი, რა პოლიტიკაც წამოვიწყეთ 2022 წელს, როდესაც ვთქვით, რომ ხასიათი უნდა გამოვაჩინოთ და არ უნდა ავყვეთ სხვა სახელმწიფოს, რათა პროქსი ომი, როგორც ეს უკრაინაში შეძლეს, ისე არ იყოს საქართველოში", - განაცხადა გურამ მაჭარაშვილმა.