გურამ მაჭარაშვილი:ჩვენ გვარამიასგან არა ერთხელ გვახსოვს, როცა ხელისუფლებაში იყვნენ მაშინაც და იმის მერეც, პირდაპირი მუქარა საზოგადოებაზე

ჩვენ გვარამიასგან არა ერთხელ გვახსოვს, როცა ხელისუფლებაში იყვნენ მაშინაც და იმის მერეც, პირდაპირი მუქარა საზოგადოებაზე, - ასე ეხმიანება „ხალხის ძალის“ ერთ-ერთი ლიდერი გურამ მაჭარაშვილი ნიკა გვარამიას მიერ ნინო წილოსანის მიმართ საჯაროდ განხორციელებულ მუქარას.

მისი თქმით, ნიკა გვარამია საკუთარი პარტიის წევრებსაც კი ემუქრება.

„ვითომ ოპოზიციაში რომ გადავიდა, გამოეყო „ნაცმოძრაობას“, მელიამ და გვარამიამ თავმჯდომარეობა ვერ გაიყვეს და ორივე თავმჯდომარე გახდა ერთ პარტიაში. თეორიულადაც კი, რომ დავუშვათ ხელისუფლებაში რა პასუხი აქვთ ქართულ საზოგადოებასთან, ანუ ის პარტია არის ევროპული ღირებულებების მქონე, რომლის ლიდერებიც ერთმანეთს აგინებენ, ჭამენ ერთმანეთს და ემუქრებიან საზოგადოებას, ჯერ რომ არანაირი ძალაუფლება არ აქვთ“, - განაცხადა მაჭარაშვილი.

ნიკა გვარამია ნინო წილოსანს გუშინ ტელეეთერით დაემუქარა. გვარამია ამბობს, რომ ხელისუფლების შეცვლის შემდეგ ბევრ რაიმეს ათქმევინებს კონკრეტულ ადამიანებზე. აქვე მოუწოდებს, რომ მისთვის ჯობს ახლა ჩუმად იყოს.