გურიაში „გემოფესტი“ დასრულდა
იმედი|imedinews.ge
გურიაში „გემოფესტი“ დასრულდა. შეკვეთილმა გასტრონომიულ დღესასწაულს ორი დღის განმავლობაში უმასპინძლა. ფესტივალზე სტუმრებს შესაძლებლობა ჰქონდათ დაეგემოვნებინათ გურული ტრადიციული და იშვიათი, მივიწყებული კერძები, რომლებიც შეფმზარეულებმა სპეციალურად ღონისძიებისთვის მოამზადეს. ადგილობრივმა მეწარმეებმა საკუთარი პროდუქცია წარადგინეს. მუსიკოსთა პარკის ტერიტორიაზე მოწყობილი იყო სხვადასხვა თემატური სივრცე — ღვინისა და კვების პავილიონები, დესერტების ზონა, აგროსივრცე და საბავშვო კუთხე. ფესტივალის ფარგლებში იყო კონცერტებიც.
ორგანიზატორების განცხადებით, „გემოფესტმა“ მოლოდინს გადააჭარბა. ფესტივალი მომავალშიც გაგრძელდება და ქვეყნის სხვადასხვა რეგიონს ეწვევა.
გაზიარება:
იმედი
წყარო: imedinews.ge