ჰეგსეტი: ნატოში აშშ-ის ფულადი შენატანი სხვა ქვეყნების მიერ ვალდებულებების შესრულებაზე იქნება დამოკიდებული

აშშ-ის თავდაცვის მდივნის პიტ ჰეგსეტის განცხადებით, ნატოში ამერიკის ფულადი შენატანი დამოკიდებული იქნება იმაზე, თუ როგორ ასრულებენ ნაკისრ ფინანსურ ვალდებულებებს სხვა ქვეყნები.

„ჩვენი ყოველწლიური შენატანი ნატოში დამოკიდებული იქნება იმაზე, თუ როგორ ასრულებენ სხვა ქვეყნები საკუთარ სამიზნე მაჩვენებლებს თავდაცვის ხარჯებთან დაკავშირებით. იქ, სადაც სხვა მოკავშირეები სახსრებს ოპერატიულად არ გამოყოფენ, ჩვენი შენატანები შემცირდება. ნატო გახდება ქუჩა ორმხრივი მოძრაობით“, - განაცხადა ჰეგსეტმა ბრიუსელში, ნატოს შტაბ-ბინაში სიტყვით გამოსვლისას.

ამასთან ერთად, პენტაგონის შეფმა ევროპაში განლაგებული ამერიკული ბაზების ექვსთვიანი ანალიზის ჩატარება გამოაცხადა.

„დღეს ომის დეპარტამენტის ექვსთვიანი მიმოხილვის შესახებ ვაცხადებ, რომელიც მიეძღვნება ევროპაში განლაგებული ამერიკული ბაზების ანალიზს. ეს ექვს თვეში, შესაძლოა, უფრო ნაკლებ დროში დასრულდება“, - დასძინა მან.