იაპონიაში ტაიფუნის გამო ასობით ავიარეისი გაუქმდა

იაპონიაში ძლიერი ტაიფუნისთვის ემზადებიან. „დუჯუანი“ ტოკიოსა და ქვეყნის აღმოსავლეთ სანაპიროს მიმდებარე რაიონებს უახლოვდება. არსებობს მეწყრებისა და წყალდიდობების საფრთხე. ტაიფუნის ეპიცენტრში, რომელიც იაპონიისთვის წელს 25-ე შტორმია, ქარის სიჩქარე საათში 180 კილომეტრს აღწევს.

გაუქმებულია 500-მდე ავიარეისი და შეჩერებულია სარკინიგზო მიმოსვლის ნაწილი. ასევე გაუქმდა მუსიკალური ფესტივალი Rock in Japan. ადგილობრივი მედიის ცნობით, პრემიერ-მინისტრმა სანაე ტაკაიჩიმ ტაიფუნის შედეგებზე დაკვირვების მიზნით აშშ-ში ვიზიტი გადადო. ​ტაკაიჩი ნიუ-იორკში სამშაბათს უნდა ჩასულიყო, რათა აშშ-ის პრეზიდენტ დონალდ ტრამპს შეხვედროდა და გაეროს გენერალურ ასამბლეაზე სიტყვით გამოსულიყო.

ეს წყნარ ოკეანეში ერთმანეთის მიყოლებით მიმდინარე შტორმების სერიის უახლესი შემთხვევა, რაც კიდევ უფრო გააძლიერა წლევანდელმა „სუპერ“ ელ-ნინიომ - მოვლენამ, რომელმაც ოკეანე გაათბო და შტორმების ფორმირებას შეუწყო ხელი.