ინდოეთში კაცმა ქაღალდის ჭიქების უმსხვილესი კოლექცია შეაგროვა და გინესის რეკორდების წიგნში მოხვდა

ინდოელმა 57 წლის სუნილ ჯოზეფმა ქაღალდის ჭიქების მსოფლიოში ყველაზე დიდი კოლექცია შეაგროვა. მისი რეკორდი გინესის რეკორდების წიგნის სპეციალისტებმა ოფიციალურად დააფიქსირეს.

ჯოზეფის კოლექცია 31 ქვეყნის სხვადასხვანაირ 858 ქაღალდის ჭიქას მოიცავს, რომელთა მოცულობაც 5-დან 500 მილილიტრამდე მერყეობს. სუნილის აზრით, მიზანდასახულობისა და დისციპლინის წყალობით „ნებისმიერი მიზნის მიღწევაა“ შესაძლებელი.

„ჩემი გზა ამტკიცებს - თუ თქვენი მოწოდების ერთგული ხართ, შეგიძლიათ უბრალო ჰობი დიდ საქმედ აქციოთ, რომელიც მსოფლიო აღიარებას მოიპოვებს“, - აღნიშნა მან.

ქაღალდის ჭიქების გარდა, ჯოზეფი სხვა ნივთებსაც აგროვებს.

„ბავშვური ცნობისმოყვარეობა მთელი ცხოვრების გატაცებად იქცა. დავიწყე ყველაზე სხვადასხვანაირი ნივთების შეგროვება - ჩასაჯდომი ტალონებითა და სამართებლის (საპარსი პირის) შეფუთვებით დაწყებული, ყავის ჭიქებითა და ჩაის პაკეტებით დასრულებული“, - ამბობს კაცი.

2013 წელს ჯოზეფი გინესის რეკორდების წიგნში ერთხელ უკვე მოხვდა, როგორც სატელეფონო ბარათების ყველაზე შთამბეჭდავი კოლექციის მფლობელი (5986 ცალი), თუმცა დროთა განმავლობაში მისი ეს რეკორდი სხვამ მოხსნა.