ინდონეზიაში მიწისძვრის შედეგად დაღუპულთა რიცხვი გაიზარდა

ინდონეზიაში სამაშველო ჯგუფები შაბათს მომხდარი ძლიერი მიწისძვრის შედეგად გადარჩენილებს ეძებენ. ბოლო მონაცემებით, სტიქიას სულ მცირე 47 ადამიანი ემსხვერპლა. მანამდე ვრცელდებოდა ცნობები 20 დაღუპულის შესახებ.

ინდონეზიის მეტეოროლოგიისა და გეოფიზიკის სააგენტოს ცნობით, 7,7 მაგნიტუდის მიწისძვრა ფლორესის კუნძულს ადგილობრივი დროით დაახლოებით 05:00 საათზე მოხდა, მისი კერა კი 15 კილომეტრის სიღრმეზე მდებარეობდა.

ეროვნული კატასტროფების მართვის სააგენტოს ინფორმაციით, წინასწარი მონაცემებით, სტიქიამ და 341-მა აფტერშოკმა 900-ზე მეტი სახლი და ასობით სხვა შენობა მძიმედ დააზიანა.