ირაკლი ჭეიშვილი: ოპოზიციაში რომ კრიზისია, ეს არახალია. არაერთხელ შედგა მათი გაერთიანება და დაიშალა, უკვე რეკორდსაც მიაღწიეს

ოპოზიციაში რომ კრიზისია, ეს არახალია, - განუცხადა ჟურნალისტებს საპარლამენტო უმრავლესობის წევრმა ირაკლი ჭეიშვილმა.

ჭეიშვილის თქმით, არაერთხელ შედგა მათი გაერთიანება და დაიშალა, უკვე რეკორდსაც მიაღწიეს.

„ოპოზიციაში რომ კრიზისია, ეს არახალია. შიდაპარტიული რეგრესი აქვთ, ზოგადად ამ გაერთიანებას. არაერთხელ შედგა მათი გაერთიანება და რამდენჯერმე დაინახეთ, რომ დაიშალა, უკვე რეკორდსაც მიაღწიეს. მათი დაპირისპირება იქნება მუდმივად, არჩევნებამდე, არჩევნების შემდეგ ისინი საერთო ენას ვერ ნახავენ“, - აღნიშნა მან.

დაპირისპირება ოპოზიციურ სპექტრში გრძელდება - ანა წითლიძე ნიკა გვარამიაზე სოციალურ ქსელში წერს და ამბობს, რომ გვარამია „გაფუჭდა“ და მოუწოდებს, რომ მას ჩუმად ნუ ლანძღავს.