ირაკლი გოგავა: ვფიქრობ, ადრე თუ გვიან ვაშინგტონში მომწიფდება ის პოზიცია, რომ საქართველოსთან ნეგატიური დღის წესრიგით საუბარს აზრი აღარ აქვს და მხოლოდ პოზიტიური დღის წესრიგით უნდა გვესაუბრონ

ვფიქრობ, ადრე თუ გვიან ვაშინგტონში მომწიფდება ის პოზიცია, რომ საქართველოსთან ნეგატიური დღის წესრიგით საუბარს აზრი აღარ აქვს და მხოლოდ პოზიტიური დღის წესრიგით უნდა გვესაუბრონ, - განაცხადა „დღის ქრონიკაში“ პოლიტოლოგმა, ირაკლი გოგავამ ამერიკის შეერთებული შტატების ახალ ადმინისტრაციასთან სამომავლო ურთიერთობებზე საუბრისას.

მისივე თქმით, ამის პირველი ნიშნები უკვე არის. კერძოდ, აშშ-ის სახელმწიფო მდივნის, მარკო რუბიოს მოადგილე იყო საქართველოში ჩამოსული, რომელიც შუა დერეფნის პოტენციალს გაეცნო და ეს არის ის მიმართულება, რომელიც საქართველოსთვისაც საინტერესოა.

„შეერთებულ შტატებთან პოზიტიური დღის წესრიგის ფარგლებში საუბარი აუცილებელიც არის და ამის პირველი ნიშნები არის. ამ მიმართულებას უნდა განვითარება. ვატყობ, როგორც ხელისუფლება, ასევე საზოგადოება, ამისთვის მზადაა.

რაც შეეხება ევროკავშირს, კიდევ ერთხელ შევახსენებდი ბრიუსელის ბიუროკრატებს, რომ დემოკრატია, რომელსაც ისინი გვიკიჟინებენ, პირველ რიგში, არის უმრავლესობის დიქტატურა. უმრავლესობას საქართველოში კი არ სურს არც ლგბტ პრაიდები და არც უცხო ქვეყნის აგენტურის უპრაგონო დაფინანსება. შესაბამისად, ჩვენ წითელ ხაზებს არ გადავალთ“, - განაცხადა გოგავამ.