ირაკლი კირცხალია: ძალიან ამაზრზენ სანახაობად გადაიქცა ქალბატონების ეს ჭიდილი, ბრწყინვალე ნანას და თინას ჭიდილი, მიშას კარზე თუ ვინ გახდება ე.წ. თავმჯდომარე

ძალიან ამაზრზენ სანახაობად გადაიქცა ქალბატონების ეს ჭიდილი, ბრწყინვალე ნანას და თინას ჭიდილი, მიშას კარზე ვინ გახდება ე.წ. თავმჯდომარე,- განაცხადა ფრაქცია „ქართული ოცნების“ თავმჯდომარემ ირაკლი კირცხალიამ „ნაციონალურ მოძრაობაში" მიმდინარე მოვლენებთან დაკავშირებით.

მისი თქმით, „ნაცმოძრაობას" შიგნით ვერ გაურკვევია ვინ რა პოზიციაზე უნდა იყოს და ვერ დაურწმუნებიათ ერთმანეთი და გაურკვეველია საზოგადოების რამეში დარწმუნებას როგორ აპირებენ.

„აგენტურას ჩვენს ქვეყანაში პერსპექტივა ვერ ექნება. ეს ჩვენმა საზოგადოებამ ძალიან მკაფიოდ განაცხადა და მყარად გადაწყვიტა. ასე რომ აგენტურაში რა ცვლილებები იქნება საზოგადოებისთვის უკვე ღიმილის მომგვრელიც არაა და ძალიან ამაზრზენ სანახაობად გადაიქცა ქალბატონების ეს ჭიდილი, ბრწყინვალე ნანას და თინას ჭიდილი, მიშას კარზე ვინ გახდება ე.წ. თავმჯდომარე. ისედაც რა დარჩათ, ბოლო საპარლამენტო და ადგილობრივი არჩევნების შემდეგ სადაც მმართველმა გუნდმა 1 წლის თავზე, ადგილობრივ არჩევნებში ერთი ერთში გაიმეორა შედეგი, რაც იყო საპარლამენტო არჩევნებში. იმ ზეწოლის და თავდასხმების ფონზე, რასაც ქვეყანაში ვხედავდით. ოპოზიციამ თავისი თავი თანაპატრონებთან ერთად ძალიან ღიად დაასრულა 2024 წლის არჩევნებზე, როდესაც დიდი სიცრუის კორიანტელში, რაღაც დოზით, საზოგადოების გარკვეული ჯგუფი შეიყვანეს შეცდომაში, მოიპოვეს მანდატები, რა ჰქონდათ და შემდეგ როგორ მოექცნენ იმ მოტყუებით აღებულ მანდატებს. ამის შემდეგ ვნახეთ რა შედეგი დადეს ადგილობრივ არჩევნებზეც. მათ შიგნით ვერ დაურწმუნებიათ ერთმანეთი და შიგნით ვერ ჩამოყალიბებულან, ისინი როგორ ფიქრობენ, რომ დაარწმუნონ საზოგადოება“,- აღნიშნა კირცხალიამ.