ირაკლი კირცხალია ისლანდიის რეფერენდუმზე: 47% არ გამოვარდნილა და არ დაუწყია 53 პროცენტისთვის იმის ძახილი, რომ პრორუსი ხარ. არ დაუწვავს შენობები, პოლიციელები არ შევარდნილან პრეზიდენტის სასახლეში და რევოლუციის მცდელობა არ ჰქონიათ

„47% არ გამოვარდნილა და არ დაუწყია 53 პროცენტისთვის იმის ძახილი, რომ პრორუსი ხარ. არ დაუწვავს შენობები, პოლიციელები არ შევარდნილან პრეზიდენტის სასახლეში და რევოლუციის მცდელობა არ ჰქონიათ“- განაცხადა გადაცემაში „იმედი LIVE“ საპარლამენტო უმრავლესობის ლიდერმა ირაკლი კირცხალიამ, ისლანდიაში ჩატარებულ რეფერენდუმთან დაკავშირებით.

კირცხალიას თქმით, ალბათ ვერ ჩაერივნენ თავის დროზე ის ძალები, რომლებიც ჩვენს ქუჩებში დათარეშობდნენ თავიანთი უდიდესი სახსრებით, ასობით მილიონი დოლარით და ევროთი და რევოლუციის მოწყობის მცდელობა ჰქონდათ.

მან ასევე ისაუბრა „ალტერნატივა გერმანიისთვის“ გამარჯვებაზე.

„ევროპაში ნამდვილად არ არის ევროპულად სახარბიელო დრო. ამას ჩვენ დიდი ხანია, წლებია ვამბობთ. შევახსენებ ჩვენს საზოგადოებას, ვამბობდით, რომ იქაც იღვიძებს ის უკმაყოფილება, რასაც დღევანდელი ბრიუსელის პოლიტიკური ელიტა და მმართველობა, ძალიან დიდი ფულით, ყველა საშუალებით, ყველა ინსტიტუციით ახშობს რეალურ ხმას, რეალურ პრობლემებს, თუ რა ხდება სხვადასხვა ქვეყანაში. განსაკუთრებით ნიშანდობლივი და ყურადღება მისაქცევია დიდი ქვეყნები და დიდი ეკონომიკები. ჩვენ ყოველთვის ვამბობდით, რომ წილი მარტივი მდგენელია, კავშირი ეკონომიკური, რომელიც 30 პროცენტს შეადგენდა მსოფლიო ეკონომიკის, ჩამოსულია 15-16 პროცენტამდე, ეს ხომ ხალხზე აისახება. მიგრაციის საკითხები და ა.შ.

მნიშვნელოვანია ისლანდიაში რაც განვითარდა რეფერენდუმის კუთხით. ყოველთვის ვამბობდით, არ არსებობს ეკონომიკური კავშირი, რომელ ეკონომიკურ კავშირსაც უნდა რომ მიიღოს და გააწევრიანოს ქვეყანა, რომელიც ეკონომიკურად მოწყვლადია, ვინაიდან, შემდეგ ის ქვეყანა ხდება იმ დიდი ეკონომიკების სარჩენი, რასაც დღეს ვხედავთ და რაზეც წუხს ცენტრალური ევროპის მაცხოვრებელი. ისლანდიაზე ნამდვილად ვერ ვიტყვით, რომ ეკონომიკურად მოწყვლადი ქვეყანაა. ჩატარდა რეფერენდუმი, ალბათ პოლიტიკურმა ძალებმა აუხსნეს საზოგადოებას, საზოგადოებამ მიიღო ეს გადაწყვეტილება. თუ არ ვცდები 53/47-ზე დამთავრდა, მაგრამ 47 პროცენტი არ გამოვარდნილა და არ დაუწყია 53 პროცენტისთვის იმის ძახილი, რომ პრორუსი ხარ. არ დაუწვავს შენობები, პოლიციელები არ შევარდნილან პრეზიდენტის სასახლეში და რევოლუციის მცდელობა არ ჰქონიათ. ეს არის ევროპა და ცივილიზებული გადაწყვეტილება. ალბათ ვერ ჩაერივნენ თავის დროზე ის ძალები, რომლებიც ჩვენს ქუჩებში დათარეშობდნენ თავიანთი უდიდესი სახსრებით, ასობით მილიონი დოლარით და ევროთი და რევოლუციის მოწყობის მცდელობა ჰქონდათ“,- აღნიშნა ირაკლი კირცხალიამ.