ირაკლი ქადაგიშვილი „კორძის“ კონცერტზე: რატომღაც მიაჩნიათ, რომ საქართველოში ყველას, ვინც სხვადასხვა საშუალებით რადიკალიზმს, ექსტრემიზმს და საზოგადოების გახლეჩას ემსახურება, ხელი უნდა შეუწყონ

რატომღაც მიაჩნიათ, რომ საქართველოში ყველას, ვინც სხვადასხვა საშუალებით რადიკალიზმს, ექსტრემიზმს და საზოგადოების გახლეჩას ემსახურება, ხელი უნდა შეუწყონ, - განაცხადა რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ, ირაკლი ქადაგიშვილმა.

დეპუტატი იმ ფაქტს გამოეხმაურა, რომ ევროკავშირის ელჩი „ქრონიკის“ კითხვას - იზიარებს თუ არა ევროკავშირი პასუხისმგებლობას „კორძის“ მიერ მილიონზე მეტი ქართველის შეურაცხყოფასა და მისი კონცერტის ევროკავშირის მხარდაჭერაზე, ელჩმა უპასუხოდ დატოვა.

„თავიანთ ქვეყანაში ასეთ ადამიანს დააფინანსებენ, ან საერთოდ სცენას დაუთმობენ?! რა თქმა უნდა, არ დაუთმობენ. რატომღაც მიაჩნიათ, რომ საქართველოში ყველას, ვინც სხვადასხვა საშუალებით რადიკალიზმს, ექსტრემიზმს და საზოგადოების გახლეჩას ემსახურება, ხელი უნდა შეუწყონ. პასუხი, რომელიც შეიძლება საზოგადოებისთვის მისაღები იყოს, არ აქვთ და ამიტომ არ გცემენ პასუხს“, - აღნიშნა ქადაგიშვილმა.