ირაკლი ქადაგიშვილი: საზოგადოება უკვე კარგად არის გათვითცნობიერებული იმაში, რომ ევროპარლამენტის რეზოლუციები, სამწუხაროდ ემსახურება მხოლოდ და მხოლოდ საქართველოში პოლიტიკური სიტუაციის დაძაბვას

საზოგადოება უკვე კარგად არის გათვითცნობიერებული იმაში, რომ ევროპარლამენტის რეზოლუციები, სამწუხაროდ ემსახურება მხოლოდ და მხოლოდ საქართველოში პოლიტიკური სიტუაციის დაძაბვას, - განუცხადა „ქრონიკას“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარე ირაკლი ქადაგიშვილმა.

ქადაგიშვილის თქმით, ფუჭი რეზოლუციების საშუალებით ცდილობენ, რომ საქართველოში ეს რევოლუციის ნარჩენები რამენაირად აცხოვრონ და აცოცხლონ.

„საზოგადოება უკვე კარგად არის გათვითცნობიერებული იმაში, რომ ევროპარლამენტის რეზოლუციები, სამწუხაროდ ემსახურება მხოლოდ და მხოლოდ საქართველოში პოლიტიკური სიტუაციის დაძაბვას და ესკალაციის ხელშეწყობას. მათ დამარცხება იგემეს არჩევნებში, შემდეგ დამარცხდნენ რევოლუციისა და გადატრიალების მოწყობის საქმეში და ახლა ასეთი ფუჭი რეზოლუციების საშუალებით ცდილობენ, რომ საქართველოში ეს რევოლუციის ნარჩენები რამენაირად აცხოვრონ და აცოცხლონ“, - აღნიშნა მან.

ევროპარლამენტი საქართველოსა და თურქეთს დემოკრატიული უკუსვლის გამო აკრიტიკებს - საქართველოს შესახებ უარყოფითი ანგარიში რასა იუკნევიჩიენეს, თურქეთის შესახებ კი ნაჩო სანჩეს ამორის განცხადებებს ეფუძნება.