ირაკლი ქადაგიშვილი: ვხედავთ, რომ ამერიკის შეერთებული შტატები, რომელიც ისედაც გამოირჩეოდა ამ მიმართულებით ძალიან მაღალი კონტროლის ხარისხით, დღეს კიდევ უფრო ხვეწს და გარკვეულწილად ამკაცრებს თავის კანონმდებლობას

ვხედავთ, რომ ამერიკის შეერთებული შტატები, რომელიც ისედაც გამოირჩეოდა ამ მიმართულებით ძალიან მაღალი კონტროლის ხარისხით, დღეს კიდევ უფრო ხვეწს და გარკვეულწილად ამკაცრებს თავის კანონმდებლობას, - განუცხადა „ქრონიკას“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარე ირაკლი ქადაგიშვილმა ამერიკული „ფარას“ გამკაცრებასთან დაკავშირებით.

ქადაგიშვილის თქმით, ეს კიდევ ერთხელ აჩვენებს იმას, რომ უნდოდათ საქართველო ყოფილიყო ერთგვარი ექსპერიმენტების ქვეყანა, სადაც გარედან ჩარევით შეიძლებოდა ქვეყანაში პოლიტიკური ვითარებით მანიპულირება.

„ჩვენ ვხედავთ, რომ ამერიკის შეერთებული შტატები, რომელიც ისედაც გამოირჩეოდა ამ მიმართულებით ძალიან მაღალი კონტროლის ხარისხით, დღეს კიდევ უფრო ხვეწს და გარკვეულწილად ამკაცრებს თავის კანონმდებლობას.

ეს კიდევ ერთხელ აჩვენებს იმას, რომ ჩვენთან დამოკიდებულებაში უნდოდათ საქართველო ყოფილიყო ერთგვარი ექსპერიმენტების ქვეყანა, სადაც გარედან ჩარევით შეიძლებოდა ქვეყანაში პოლიტიკური ვითარებით მანიპულირება და გარედან მათთვის სასურველი ხელისუფლების მოყვანა, რათა მათი დაკვეთები შეესრულებინა“, - აღნიშნა ირაკლი ქადაგიშვილმა.

ცნობისთვის, აშშ-ის სენატის საგარეო ურთიერთობათა კომიტეტმა დაამტკიცა ორპარტიული კანონპროექტი, რომელიც უცხო ქვეყნების, მათ შორის ჩინეთის, რუსეთის, ირანის, ჩრდილოეთ კორეისა და კუბის გავლენის შეზღუდვასა და მათი აგენტების საქმიანობის გამჭვირვალობის გაზრდას ითვალისწინებს.