ირანის არმია აცხადებს, რომ ბაჰრეინში მდებარე საჰაერო ბაზას დაარტყა

ირანის სახელმწიფო მაუწყებლის ინფორმაციით, ირანის შეიარაღებულმა ძალებმა საპასუხო იერიში მიიტანეს ბაჰრეინში მდებარე შეიხ ისას საჰაერო ბაზაზე, რომელსაც აშშ-ის სამხედრო ძალები იყენებენ. ირანული მხარის განცხადებით, ეს ქმედება ამერიკული დარტყმების საპასუხოდ განხორციელდა.

ირანის არმიის ცნობით, საპასუხო შეტევა საიერიშო დრონების გამოყენებით განხორციელდა. მათი სამიზნე იყო ამერიკელი სამხედროების კუთვნილი თვითმფრინავების თავშესაფრები, სადგომი მოედნები და საწვავის საცავები, ასევე ბაჰრეინში მდებარე რამდენიმე დამაკავშირებელი ხიდი.

ირანული მხარე აღნიშნავს, რომ სამხრეთ ბაჰრეინში არსებული ეს ობიექტი რეგიონში აშშ-ის სამხედრო ძალებისთვის ერთ-ერთ ყველაზე მნიშვნელოვან ოპერატიულ და ლოგისტიკურ ცენტრს წარმოადგენს.