ირმჰილდ ბოსდორფი: საქსონია-ანჰალტში ჩვენი პარტიის პირველი 100 დღის მმართველობის დროს ყველა მოქალაქე შეიგრძნობს, რომ ცვლილებები დაიწყო

საქსონია-ანჰალტში ჩვენი პარტიის პირველი 100 დღის მმართველობის დროს ყველა მოქალაქე შეიგრძნობს, რომ ცვლილებები დაიწყო, - განაცხადა ევროპარლამენტარმა, „ალტერნატივა გერმანიისთვის“ (AfD) წევრმა, ირმჰილდ ბოსდორფმა გადაცემაში „EURO ანატომია“.

მან ისაუბრა, თუ რა არის მათი პარტიის გეგმები, რათა გერმანიამ დაკარგული კეთილდღეობის დასაბრუნებლად ნაბიჯები გადადგას.

„გერმანიისთვის ძალიან მნიშვნელოვანი იქნება, ჰქონდეს საშუალება, შეამციროს გადასახადი ენერგომატარებლებზე. ყველაზე მაღალი საფასური გვაქვს და ყველა კომპანია, რომელიც გერმანიაში მუშაობს, აცხადებს, რომ ვეღარ იმუშავებს, რადგან ძვირია. მეორე პრობლემაა, არ გვყავს საკმარისი მოსახლეობა, რომელსაც აქვს საინჟინრო განათლება და იმუშავებს მაღალი კვალიფიკაციის სამუშაო ადგილებზე. ეს ძალიან დიდი პრობლემაა. ჩვენ გვეუბნებიან, რომ მიგრანტები იქნებიან ხვალინდელი ინჟინრები, მაგრამ ეს ასე არ არის. ადამიანებს სჭირდებათ ცვლილებები, მაგრამ ჩვენ უნდა გავაგზავნოთ უკან სამშობლოში ისინი, რომელთაც არ აქვთ გერმანიაში დარჩენის უფლება. საქსონია-ანჰალტში პირველი 100 დღის მმართველობის დროს ყველა მოქალაქე შეიგრძნობს, რომ ცვლილებები დაიწყო“, - აღნიშნა ირმჰილდ ბოსდორფმა.