ისტორიაში პირველად Rock in Rio-ს ჰედლაინერი კეი-პოპ ჯგუფი გახდა

ცნობილმა ბრაზილიურმა ფესტივალმა Rock in Rio-მ კეი-პოპს მთავარი სცენა ისტორიაში პირველად დაუთმო - საღამო კი სამხრეთკორეულმა ჯგუფმა Stray Kids-მა დახურა.Cidade do Rock-ში შეკრებილმა ათასობით ფანმა ჯგუფის წევრებს ენერგიული დახვედრა მოუწყო, რასაც მუსიკოსებმა მასშტაბური ქორეოგრაფიით, პიროტექნიკური შოუთი და ცნობილი ჰიტებით უპასუხეს.

ადგილობრივი ფანებისა და მედიის მიერ ჯგუფის დებიუტი Rock in Rio-ზე ერთ-ერთ ყველაზე ხმაურიან და შთამბეჭდავ გამოსვლად შეფასდა.

Stray Kids 2017 წელს სეულში, JYP Entertainment-ის მიერ ჩამოყალიბებული სამხრეთკორეული ბოიბენდია, რომელიც 8 წევრისგან შედგება. ჯგუფი გლობალური კეი-პოპ ფენომენია - ჩარტ Billboard 200-ის სათავეში მათი ზედიზედ 9 ალბომი მოხვდა. მათ ასევე მოპოვებული აქვთ მრავალი საერთაშორისო ჯილდო (მათ შორის MTV VMA, Billboard Music Awards) და მსოფლიოს უმსხვილესი სტადიონების სრულად შევსებით თანამედროვე მუსიკალური ინდუსტრიის ერთ-ერთ წამყვან ძალად ითვლებიან.