იტალიის საგარეო საქმეთა მინისტრი: ესპანეთთან შენგენის ზონის დახურვას მხარს ვუჭერ

იტალიის საგარეო საქმეთა მინისტრმა ანტონიო ტაიანიმ სოციალურ ქსელ X-ში დაწერა, რომ ის მხარს უჭერს მიგრაციული კრიზისის გამო ესპანეთთან შენგენის ზონის დახურვას.

ტაიანის განცხადებით, ის სრულ ნდობას უცხადებს იტალიის შინაგან საქმეთა მინისტრ მატეო პიანტედოზის.

„მხარს ვუჭერ ესპანეთისთვის შენგენის ზონის დახურვას და სრულ ნდობას ვუცხადებ მინისტრ პიანტედოზის ქმედებებს. არალეგალური და უკონტროლო მიგრაცია ეროვნული უსაფრთხოებისთვის საფრთხეს წარმოადგენს. სეუტადან გავრცელებული კადრები ცხადყოფს, რამდენად მცდარია მადრიდის მთავრობის გადაწყვეტილება, 500 000-ზე მეტ არალეგალ მიგრანტს ესპანეთის, შესაბამისად კი ევროკავშირის მოქალაქეობა მიანიჭოს. ეს ნაბიჯი ხელს უწყობს ადამიანებით ვაჭრობას“, - წერს ტაიანი.

ცნობისთვის, გუშინ მაროკოდან ესპანეთის ჩრდილოეთაფრიკულ ანკლავ სეუტაში რამდენიმე საათში ათასობით მიგრანტი შევიდა. მოგვიანებით მადრიდმა ანკლავში სამხედროები გაგზავნა. ესპანეთთან შენგენის ზონის დახურვის ინიციატივა პირველად იტალიის პრემიერ-მინისტრმა ჯორჯია მელონიმ გააჟღერა.

Sono favorevole alla chiusura dello spazio Schengen con la Spagna e ho piena fiducia nell’operato del Ministro Piantedosi. L’immigrazione irregolare e incontrollata rappresenta un pericolo per la sicurezza nazionale. Le immagini che arrivano da Ceuta dimostrano come la scelta del… — Antonio Tajani (@Antonio_Tajani) July 30, 2026