ჯაბა ხუბუა: ლეიკემიით დაავადებულ ადამიანებზე ფაშისტური ხუმრობის გამო საზოგადოების წინაშე ბოდიში აქვთ მოსახდელი არამხოლოდ გიორგი კალატოზსა და მისი გადაცემის მონაწილეებს, არამედ იმ კომპანიებსაც, რომლებიც მათ ასპონსორებენ
ლეიკემიით დაავადებულ ადამიანებზე უნიჭო და ფაშისტური ხუმრობის გამო საზოგადოების წინაშე ბოდიში აქვთ მოსახდელი არამხოლოდ გიორგი კალატოზსა და მისი youtube გადაცემის მონაწილეებს, არამედ იმ კომპანიებსაც, რომლებიც მათ ასპონსორებენ, - წერს ჟურნალისტი ჯაბა ხუბუა X-ზე.
ხუბუა ფიქრობს, რომ სწორ ღირებულებებზე დაფუძნებული კომპანია მაშინვე გაუუქმებდა სპონსორობას მსგავსი დისკრიმინაციული და სულიერი ტანჯვის მომგვრელი გზავნილის ავტორებს.
„ლეიკემიით დაავადებულ ადამიანებზე უნიჭო და ფაშისტური ხუმრობის გამო საზოგადოების წინაშე ბოდიში აქვთ მოსახდელი არამხოლოდ გიორგი კალატოზსა და მისი youtube გადაცემის მონაწილეებს, არამედ იმ კომპანიებსაც, რომლებიც მათ ასპონსორებენ.
საერთოდ, ნებისმიერი პასუხისმგებლობიანი და სწორ ღირებულებებზე დაფუძნებული კომპანია, მძიმე სენთან მებრძოლი პაციენტების შეურაცხყოფის გამო, მაშინვე გაუუქმებდა სპონსორობას მსგავსი დისკრიმინაციული და ისედაც გასაჭირში მყოფი ადამიანებისათვის სულიერი ტანჯვის მომგვრელი გზავნილის ავტორებს“, - წერს ხუბუა.
იმედი
წყარო: imedinews.ge