ჯანმო მგზავრების რეპატრიაციას იწყებს ლაინერიდან, რომელზეც ჰანტავირუსით ინფიცირების შემთხვევები დაფიქსირდა
იმედი|imedinews.ge
ჯანმრთელობის მსოფლიო ორგანიზაცია საკრუიზო ლაინერიდან MV Hondius, რომელზეც ჰანტავირუსით ინფიცირების შემთხვევები დაფიქსირდა, მგზავრების რეპატრიაციას იწყებს.
სამშობლოში დაბრუნებულებს საგანგებოდ მოწყობილ კლინიკებში გადაიყვანენ, სადაც მათ 42-დღიანი კარანტინის გავლა მოუწევთ. ჯანმოს ეპიდემიისა და პანდემიის პრევენციის დეპარტამენტი აცხადებს, რომ მიღებული ზომების ფონზე ვირუსის გავრცელების რისკი პრაქტიკულად, არ არსებობს. მგზავრების ევაკუაცია ტენერიფედან დაიწყება, რომლის პორტსაც გემმა დღეს მიაღწია.
ჯანმოს მონაცემებით ჰანტავირუსი ხომალდის მხოლოდ 8 მგზავრის დაუდასტურდა. მათგან 3 გარდაიცვალა.
გაზიარება:
იმედი
წყარო: imedinews.ge