ჯანმოს ხელმძღვანელი ჟენევაში საქართველოს მუდმივ წარმომადგენელს, რევაზ ლომინაძეს შეხვდა - „დიდად ვაფასებ საქართველოს ერთგულებას ჯანდაცვის სისტემის გაძლიერების საქმისადმი“

ჯანდაცვის მსოფლიო ორგანიზაციის დირექტორმა ტედროს ადჰანომ გებრეიესუსმა სოციალურ ქსელ X-ში დაწერა, რომ ჟენევაში გაეროს განყოფილებებსა და სხვა საერთაშორისო ორგანიზაციებში საქართველოს მუდმივ წარმომადგენელთან რევაზ ლომინაძესთან შეხვედრა გამართა.

„მოხარული ვარ შევხვდე ელჩს, რევაზ ლომინაძეს, რომელიც ჟენევაში გაეროს განყოფილებებსა და სხვა საერთაშორისო ორგანიზაციებში საქართველოს მუდმივი წარმომადგენელია. დიდად ვაფასებ საქართველოს ერთგულებას ჯანდაცვის სისტემის გაძლიერების საქმისადმი. განვიხილეთ ჯანდაცვის სფეროში ცოტა ხნის წინ განხორციელებული რეფორმები და მიმდინარე საკითხები და მოლაპარაკებები, რომელიც პანდემიის შესახებ შეთანხმების, „პათოგენებთან წვდომისა და სარგებლის გადანაწილების“ დანართს ეხება. მოუთმენლად ველი ჩვენი თანამშრომლობის გაგრძელებას“, - დაწერა ჯანმოს დირექტორმა.

Pleasure to meet Ambassador @RevazLominadze, Permanent Representative of Georgia to the UN other International Organizations (@GeorgiaGeneva). I commended #Georgia on its commitment to strengthening the health care system. We discussed recent reforms related to health care and… pic.twitter.com/kFDFEMDI1q — Tedros Adhanom Ghebreyesus (@DrTedros) April 30, 2026