ჯეი დი ვენსი ირანზე: თუ ისინი გემებს ესვრიან, ჩვენ გამანადგურებელ პასუხს გავცემთ მათ, ასე მარტივადაა და სწორედ ასე იმუშავებს ეს

აშშ-ის ვიცე-პრეზიდენტმა, ჯეი დი ვენსმა განაცხადა, რომ თუ ირანი ჰორმუზის სრუტეში გემებზე სროლას გააგრძელებს, აშშ მათ „გამანადგურებელ პასუხს გასცემს“.

„ძირითადი გარიგება, რომელიც დავდეთ, იყო ის, რომ ჩვენ მოვხსნით ბლოკადას, თუ თქვენ შეწყვეტთ გემებზე სროლას, მაგრამ თუ გემებს ესვრით, ჩვენ საპასუხო დარტყმას მივაყენებთ და ეს იქნება იმაზე მძიმე დარტყმა, ვიდრე ოდესმე ყოფილა“, - აღნიშნა ვენსმა.

მისი თქმით, ირანი „დაახლოებით ერთი კვირის განმავლობაში მშვიდად იქცეოდა, მაგრამ შემდეგ მათ გემებზე სროლა დაიწყეს“.

„ასე რომ, გარიგება ძალიან მარტივია: თუ ისინი გემებს ესვრიან, ჩვენ გამანადგურებელ პასუხს გავცემთ მათ, ასე მარტივადაა და სწორედ ასე იმუშავებს ეს“, - დასძინა მან.