კახეთის მხარეში სახელმწიფო რწმუნებულმა პლატონ კალმახელიძემ მდინარე თელავისხევზე მდებარე დამცავი დამბა და მიმდებარე ტერიტორია დაათვალიერა
იმედი|imedinews.ge
კახეთის მხარეში სახელმწიფო რწმუნებულმა პლატონ კალმახელიძემ, თელავის მუნიციპალიტეტის ხელმძღვანელ პირებთან ერთად, მდინარე თელავისხევზე მდებარე დამცავი დამბა და მიმდებარე ტერიტორია დაათვალიერა. მდინარე თელავისხევზე 3 დამცავი დამბა ერთმანეთისგან გარკვეულ დისტანციაზეა აშენებული.
12 ივლისის სტიქიის შედეგად, დამბებთან მისასვლელი გზა და მიმდებარე ტერიტორია ნატანი მასალით ჩაიხერგა. მძიმე ტექნიკის მობილიზებისა და ინტენსიური მუშაობის შედეგად, ერთ დამბასთან მისასვლელი გზა უკვე გაწმენდილია. ამ დროისთვის დარჩენილ ორ დამბასთან მისასვლელი გზის გაწმენდა მიმდინარეობს.
გაზიარება:
IM
იმედი
წყარო: imedinews.ge