კანადა 2027 წლის ევროვიზიაში მიიღებს მონაწილეობას

კანადა 2027 წლის ევროვიზიის სიმღერის კონკურსში მიიღებს მონაწილეობას. ინფორმაციას კონკურსის ორგანიზატორები ავრცელებენ. ის გახდება პირველი ახალი ქვეყანა, რომელიც კონკურსს 2015 წელს ავსტრალიის შემდეგ შეუერთდება.

კანადისთვის გზა მას შემდეგ გაიხსნა, რაც ქვეყნის საზოგადოებრივი მაუწყებელი CBC/Radio-Canada ევროპის მაუწყებელთა კავშირის (EBU) სრულუფლებიანი წევრი გახდა. აქამდე მას მხოლოდ ასოცირებული წევრის სტატუსი ჰქონდა.

ეს გადაწყვეტილება მოჰყვა რთულ წელს, როდესაც ისრაელის მონაწილეობის გამო კონკურსს ისეთმა ძველმა წევრებმა გამოუცხადეს ბოიკოტი, როგორებიცაა ირლანდია, ისლანდია, ნიდერლანდები, სლოვენია და ესპანეთი. ჯერჯერობით უცნობია, დაბრუნდებიან თუ არა ეს ქვეყნები მომავალ წელს.

მიუხედავად დებიუტისა, კანადას ევროვიზიაზე გამარჯვების ისტორია უკვე აქვს: 1988 წელს კვებეკში დაბადებულმა სელინ დიონმა შვეიცარია წარადგინა და კონკურსი მოიგო.

2026 წლის ევროვიზიის სიმღერის კონკურსზე მომღერალმა Dara-მ გაიმარჯვა სიმღერით Bangaranga.