კაროლ ნავროცკი: პოლონეთის ინტერესშია, რომ ბანდერას დროშები ვარშავასა და პოლონეთის სხვა ქალაქებში არ ფრიალებდეს

პოლონეთის პრეზიდენტ კაროლ ნავროცკის განცხადებით, პოლონეთის ინტერესს წარმოადგენს ის, რომ უკრაინელი ნაციონალისტის, სტეპან ბანდერას დროშებმა ვარშავასა და სხვა ქალაქებში არ იფრიალოს.

როგორც ნავროცკიმ ინაუგურაციის პირველი წლისთავისადმი მიძღვნილ მიტინგზე განაცხადა, პოლონეთის ინტერესებშია აგრეთვე დაეხმაროს მათ, ვინც რუსეთის წინააღმდეგ იბრძვის, მიუხედავად იმისა, არის თუ არა პოლონეთი უშუალოდ ჩართული ამ ბრძოლაში.

„პოლონეთის ინტერესშია, რომ უკრაინა და უკრაინელი სამხედროები პოსტსაბჭოთა რუსეთის ფედერაციას მაქსიმალურად წარმატებით ებრძოდნენ. პოლონეთის საზღვრებიდან რაც უფრო შორს შეაკავებენ ისინი რუსეთს, მით უკეთესი! ეს აშკარაა. სწორედ ასეთია პოლონეთის სახელმწიფო სტრატეგია. იქ, სადაც რუსს ურტყამენ, პოლონეთი დახმარებას უწევს, მაშინაც კი, თუ თავად უშუალოდ არ მონაწილეობს ომში. ეს პოლონეთის სტრატეგიულ ინტერესებს შეესაბამება. ამავე დროს, პოლონეთის სტრატეგიულ ინტერესს წარმოადგენს, რომ ვარშავასა თუ პოლონეთის სხვა ქალაქებში ბანდერას დროშები არ ფრიალებდეს“, - განაცხადა ნავროცკიმ.