ხელისუფლების დამხობის მცდელობის საქმეზე ბრალდებული 13 პირი პროკურატურისგან ინდივიდუალურ განხილვას და გადაწყვეტილებას ელის - ყველა მათგანი დანაშაულს აღიარებს

ხელისუფლების დამხობის მცდელობის საქმეზე ბრალდებულები, კახაბერ კვაჭანტირაძე, გია და მიხეილ თოლორაიები, ავთანდილ თოფჩიშვილი, იური ლომიძე, დავით გიუნაშვილი, გიორგი ტალახაძე, ბექა მაჭავარიანი, მანუჩარ მიქელაძე, საბა კორძაია, გიორგი კირვალიძე, კობა ეპიტაშვილი და სიმონ მახარაძე საპროცესო შეთანხმების გაფორმებას ითხოვენ.

ცამეტივე დანაშაულს აღიარებს და ინანიებს.

მათ მიმართვებს ახლა პროკურატურა ინდივიდუალურად განიხილავს და საგამოძიებო უწყება გადაწყვეტილებას ამის შემდეგ მიიღებს.