ხელოვნების სასახლის უკვდავთა ბაღში ანზორ ერქომაიშვილის ბიუსტი გაიხსნა. „ქრონიკის“ სიუჟეტი

ხელოვნების სასახლის უკვდავთა ბაღს კიდევ ერთი სახელი შეემატა. სასახლის ბაღში მუსიკოსის, საგუნდო დირიჟორისა და ხალხური სიმღერის ქომაგის, ანზორ ერქომაიშვილის ბიუსტი გაიხსნა. ის მოქანდაკე გია ჯაფარიძემ შექმნა.

„ხელოვნების სასახლის უკვდავთა ბაღი მასპინძლობს კიდევ ერთ გამორჩეულ ადამიანს. ანზორ ერქომაიშვილი, გარდა იმისა, რომ ის არის დიდი სახელი ქართულ ხელოვნებაში, მისადმი ხელოვნების სასახლეს განსაკუთრებული დამოკიდებულება აქვს. ეს იყო თითზე ჩამოსათვლელი ადამიანებიდან ერთ-ერთი, რომელიც გარდაცვალებამდე ცოტა ხნით ადრე მოვიდა და თავისი ხელით მოიტანა არქივი, რომელიც მის საყვარელ ქართველ ხალხს უსახსოვრა“, - განაცხადა ხელოვნების სასახლის დირექტორმა გიორგი კალანდიამ.

დეტალებით შორენა კოპალეიშვილი „ქრონიკაში".