ხონისა და სამტრედიის მიტროპოლიტი საბა: პატრიარქმა 9 წლის წინ, როდესაც მოსაყდრე ამოირჩია მისივე სიცოცხლეში, მაშინ თქვა, რომ - წმინდა გიორგი დამეხმარა ამ საქმეშიც ისევე, როგორც სხვა ბევრ საქმეში

პატრიარქმა 9 წლის წინ, როდესაც მოსაყდრე ამოირჩია მისივე სიცოცხლეში, მაშინ თქვა, რომ - წმინდა გიორგი დამეხმარა ამ საქმეშიც ისევე, როგორც სხვა ბევრ საქმეში, - განაცხადა ხონისა და სამტრედიის მიტროპოლიტმა საბამ გიორგობის დღესასწაულზე ხონის წმ. გიორგის სახელობის საკათედრო ტაძარში ქადაგებისას.

მისივე თქმით, ყოფილა შემთხვევები, როდესაც განსაცდელი ყოფილა ეკლესიის წიაღში თუ ერის წიაღში და პატრიარქს უთხოვია წმინდა გიორგისთვის, წმინდა ნიკოლოზისთვის, რომ დახმარებოდნენ მას.

„წმინდა გიორგი არის განსაკუთრებული მეოხი ჩვენთვის წინაშე უფლისა და ყველანაირ საქმიანობაში გვეხმარება ჩვენ. თუ გახსოვთ, პატრიარქმა 9 წლის წინ, როდესაც მოსაყდრე ამოირჩია მისივე სიცოცხლეში, მაშინ თქვა, რომ - წმინდა გიორგი დამეხმარა ამ საქმეშიც ისევე, როგორც სხვა ბევრ საქმეში. ყოფილა შემთხვევები, როდესაც განსაცდელი ყოფილა ეკლესიის წიაღში თუ ერის წიაღში. პატრიარქს ჩუმად, მარტოს და ჩვენს გასაგონადაც ბევრჯერ უთხოვია წმინდა გიორგისთვის, წმინდა ნიკოლოზისთვის, რომლებიც არიან ჩვენი ერისა და ეკლესიის მფარველები, რომ ისინი, როგორც ყოველთვის, ამ კონკრეტულ შემთხვევაშიც დახმარებოდნენ მას. გაეძლიერებინათ ლოცვაში და მათი ლოცვით გადარჩენილიყო ქვეყანა, ეკლესია თუ ის კონკრეტული მდგომარეობა გამოსწორებულიყო. ბევრჯერ იყო ასეთი შემთხვევა. ბევრჯერ ვართ ხილულად მოწმე ამ ყველაფრის“, - აღნიშნა მან.