ხულოს მუნიციპალიტეტის მერიის „ქალთა სოციალურ-ეკონომიკური გაძლიერების“ ქვეპროგრამის ფარგლებში გამოცხადებული საგრანტო კონკურსი დასრულდა
ხულოს მუნიციპალიტეტის მერიის „ქალთა სოციალურ-ეკონომიკური გაძლიერების“ ქვეპროგრამის ფარგლებში გამოცხადებული საგრანტო კონკურსი დასრულდა.
გამარჯვებულ ბენეფიციარებს ხულოს მუნიციპალიტეტის მერი ვახტანგ ბერიძე შეხვდა, გამარჯვება მიულოცა და აღნიშნა, რომ ქალთა სოციალურ-ეკონომიკური გაძლიერება მუნიციპალიტეტის ერთ-ერთი მნიშვნელოვანი პრიორიტეტია. მისივე თქმით, პროგრამა მომავალშიც გაგრძელდება და ხელს შეუწყობს ქალთა ეკონომიკური შესაძლებლობების გაძლიერებას, მეწარმეობის განვითარებასა და მათი საქმიანობის მხარდაჭერას.
შეხვედრის ფარგლებში გამარჯვებულ ბენეფიციარებთან ხელშეკრულებებიც გაფორმდა.
2026 წელს პროგრამის ფარგლებში დაფინანსდება 10 გამარჯვებული ბენეფიციარი, რომლებიც საკუთარი ბიზნესიდეების განხორციელებასა და განვითარებას შეძლებენ.
პროგრამის მიზანია ქალთა სოციალურ-ეკონომიკური გაძლიერება, მცირე ბიზნესის განვითარებისა და მეწარმეობის ხელშეწყობა.
შეხვედრას ასევე ხულოს მუნიციპალიტეტის საკრებულოს თავმჯდომარე რენარ ბოლქვაძე და ადგილობრივი თვითმმართველობის წარმომადგენლები ესწრებოდნენ.
იმედი
წყარო: imedinews.ge