ხულოს მუნიციპალიტეტის მერმა ვახტანგ ბერიძემ შესაბამისი უწყებების წარმომადგენლებთან შეხვედრაზე სარეზერვო სამსახურის საკითხები განიხილა
ხულოს მუნიციპალიტეტის მერი ვახტანგ ბერიძე სამხედრო გაწვევისა და რეკრუტირების ეროვნული სააგენტოს აჭარის რეგიონული ცენტრის უფროსს, ვიცე-პოლკოვნიკ ზაზა არველაძეს და ეროვნული გვარდიის მე-10 ტერიტორიული თავდაცვის ბრიგადის მეთაურს, პოლკოვნიკ დავით ბოლქვაძეს შეხვდა.
ხულოს მუნიციპალიტეტის მერიის ინფორმაციით, შეხვედრაზე განიხილეს საქართველოს თავდაცვის სამინისტროს სარეზერვო სამსახურის საკითხები, რომელიც 18-დან 51 წლამდე ასაკის საქართველოს მოქალაქეების ტერიტორიულ სარეზერვო სამსახურში ჩართულობას ითვალისწინებს. აღინიშნა, რომ საქართველოს თავდაცვის სამინისტროს სარეზერვო სამსახურში ხულოს მუნიციპალიტეტის მერიის თანამშრომლებიც არიან ჩართული.
შეხვედრის ფარგლებში, ეროვნული გვარდიის მე-10 ტერიტორიული თავდაცვის ბრიგადის მეთაურმა, პოლკოვნიკმა დავით ბოლქვაძემ, ხულოს მუნიციპალიტეტის მერს, ვახტანგ ბერიძეს, მხარდაჭერისა და თანამშრომლობისთვის მადლობის სიგელი გადასცა.
შეხვედრას ასევე ესწრებოდნენ ხულოს მუნიციპალიტეტის მერის პირველი მოადგილე ჯამბულატ მელაძე, მოადგილეები - ნური გორგაძე და ნადიმ ვასაძე, სამხედრო გაწვევისა და რეკრუტირების ეროვნული სააგენტოს ხულოს მუნიციპალური განყოფილების უფროსი, მაიორი ვაჟა კოჩალიძე და ამავე განყოფილების სერჟანტი თემურ აბულაძე.
