ხულოს მუნიციპალიტეტის საბავშვო ბაღებში ახალი სასწავლო წელი დაიწყო

ხულოს მუნიციპალიტეტის მერი ვახტანგ ბერიძე, საკრებულოს თავმჯდომარე რენარ ბოლქვაძესა და ხულოს მუნიციპალიტეტის საბავშვო ბაღების გაერთიანების დირექტორთან როინ თავართქილაძესთან ერთად, ყინჩაურის საბავშვო ბაღში იმყოფებოდა და აღსაზრდელებს ახალი სასწავლო წლის დაწყება მიულოცა. ინფორმაციას ხულოს მერია ავრცელებს.

მუნიციპალიტეტის მერმა ბავშვებს წარმატებული სასწავლო წელი უსურვა, საბავშვო ბაღის პედაგოგებს გაესაუბრა და სასწავლო პროცესის დაწყებასთან დაკავშირებულ საკითხებს ადგილზე გაეცნო.

„ყველა ბავშვს ვულოცავ ახალი სასწავლო წლის დაწყებას. სკოლამდელი აღზრდა ბავშვის განვითარებისა და განათლების მნიშვნელოვანი ეტაპია. ჩვენი მიზანია, მუნიციპალიტეტის საბავშვო ბაღებში ბავშვებისთვის იყოს შექმნილი უსაფრთხო, კეთილმოწყობილი და მათ საჭიროებებზე მორგებული გარემო. ამ მიმართულებით მუნიციპალიტეტი მომავალშიც აქტიურად გააგრძელებს მუშაობას. განსაკუთრებულ მადლობას ვუხდი ბაღების პედაგოგებსა და აღმზრდელებს იმ პასუხისმგებლობისა და შრომისთვის, რომელსაც ყოველდღიურად ბავშვების განვითარებასა და მათ აღზრდაში დებენ. ვუსურვებ თითოეულ აღსაზრდელს წარმატებულ, საინტერესო და ბედნიერ სასწავლო წელს“, - განაცხადა ვახტანგ ბერიძემ.

ახალი სასწავლო წელი ხულოს მუნიციპალიტეტის ყველა საბავშვო ბაღში განახლდა. სკოლამდელი აღზრდის დაწესებულებებში ბავშვებს სასწავლო-სააღმზრდელო პროცესისთვის შესაბამისი გარემო დახვდათ.