კიევის საფოსტო განყოფილებაში აფეთქება მოხდა. პოლიცია ტერაქტის ვერსიას განიხილავს

კიევის ობოლონის რაიონის საფოსტო განყოფილებაში დღეს დილით აფეთქება მოხდა. ინფორმაციას უკრაინული მედია ავრცელებს.

აფეთქების შედეგად 59 წლის მამაკაცი დაიღუპა, ხოლო ორმა ადამიანმა სხვადასხვა სახის დაზიანება მიიღო.

ადგილზე მობილიზებულია პოლიცია, რომელიც მომხდარის მიზეზებს ადგენს. წინასწარი ინფორმაციის თანახმად, აფეთქება ერთ-ერთი ამანათის შემოწმების დროს მოხდა.

კიევის პროკურატურის განცხადებით, მომხდარი კვალიფიცირდება, როგორც ტერორისტული აქტი.