კირ სტარმერი: ალიანსებში იმაზე მეტი დაძაბულობაა, ვიდრე უნდა იყოს

გაერთიანებული სამეფოს პრემიერ-მინისტრის განცხადებით, ალიანსებში ახლა იმაზე მეტი დაძაბულობაა, ვიდრე უნდა იყოს. კირ სტარმერმა ერევანში მიმდინარე სამიტზე აღნიშნა, რომ ზოგიერთ ალიანსში არსებული არასასურველი მდგომარეობის ფონზე, საჭიროა ნატოში ევროპული ელემენტის გაძლიერება.

მან განაცხადა, რომ „ზოგიერთი ალიანსი, რომელთა იმედიც გვქონდა“, „არ არის იმ მდგომარეობაში, როგორშიც ჩვენ გვსურდა, რომ ყოფილიყო“.

„ალიანსებში იმაზე მეტი დაძაბულობაა, ვიდრე უნდა იყოს, და ამიტომ ძალიან მნიშვნელოვანია, რომ ამ რეალობას თვალი გავუსწოროთ ერთად, როგორც ქვეყნების ჯგუფმა“, - აღნიშნა მან.

თავდაცვისა და უსაფრთხოების კუთხით ევროპის დამოუკიდებლობის აუცილებლობაზე ისაუბრა საფრანგეთის პრეზიდენტმაც.