KIU-ს ინოვაციურ ჰაბში univerCity, პირველი საჯარო შეხვედრა ქუთაისის მერთან დავით ერემეიშვილთან გაიმართა

ქუთაისის საერთაშორისო უნივერსიტეტის (KIU) საგანმანათლებლო-ინოვაციურმა ჰაბმა -univerCity, პირველ საჯარო შეხვედრას უმასპინძლა.

ქუთაისის საერთაშორისო უნივერსიტეტის აღმასრულებელი დირექტორი/რექტორი ვახტანგ ცაგარელი და ქუთაისის მერი დავით ერემეიშვილი, ანდრია რაზმაძის სახელობის ქუთაისის N41 ფიზიკა-მათემატიკის საჯარო სკოლის მოსწავლეებს შეხვდნენ.

ვახტანგ ცაგარელმა მოსწავლეებს KIU-ს საერთაშორისო საგანმანათლებლო პროგრამები გააცნო და სტუდენტური ცხოვრების, გაცვლითი პროგრამებისა და კარიერული განვითარების შესაძლებლობებზე დეტალურად ისაუბრა. ყურადღება გამახვილდა STEM მიმართულებებზე, ულტრათანამედროვე სასწავლო-სამეცნიერო ინფრასტრუქტურაზე, სტუდენტების ინტერესებზე მორგებულ სერვისებსა და ინოვაციურ ეკოსისტემაზე.

საჯარო ლექციის ფარგლებში, ქუთაისის მერი დავით ერემეიშვილი მოსწავლეებს მუნიციპალიტეტის ახალგაზრდული პოლიტიკის ძირითად მიმართულებებზე ესაუბრა. მერმა მათ გააცნო ის საგანმანათლებლო და სოციალური პროგრამები, რომლებიც ქუთაისის მუნიციპალიტეტის ფინანსური მხარდაჭერითა და ინიციატივით ახალგაზრდებისთვის ხორციელდება. შეხვედრა ინტერაქციულ რეჟიმში წარიმართა. მოსწავლეებს შესაძლებლობა ჰქონდათ აქტიურად ჩართულიყვნენ დისკუსიაში და მათთვის საინტერესო კითხვებზე ამომწურავი პასუხები მიეღოთ.

KIU-ს ახალი ინოვაციური სივრცე ქუთაისის ცენტრალურ ბულვარში ცოტა ხნის წინ გაიხსნა. აღნიშნულ სივრცეში აქტიურად გაიმართება საგანმანათლებლო, ინოვაციური პროექტებისა და საჯარო ლექციების წარდგენა. შემეცნებითი ჰაბი იდეურად შეთავსებულია ქუთაისის ისტორიულ საგანმანათლებლო როლს და ქალაქის შემოქმედებითი ფუნქციის გაძლიერებას.

ინფორმაციას ქუთაისის საერთაშორისო უნივერსიტეტი ავრცელებს.