კოტე ჟღენტი: განვსაზღვროთ რა ნაბიჯებს ვდგამთ, თუ ნეგატიურად წავიდა ყველაფერი და არც 2028 წლისთვის და არც 2030 წლისთვის არ შეიცვალა ევროკავშირი და იგივე განაგრძო. აი, მაშინ საქართველო რას აკეთებს? ისევ ვაცხადებთ იმას, რომ გინდა თუ არა მივდივართ ევროკავშირში, როგორიც არის ისეთში და როგორც გვექცევა ისეთში?!
ვინმეს თუ აქვს მოლოდინი, რომ როდესმე ისინი შეწყვეტენ მოთხოვნას, რომ შევცვალოთ ჩვენი კანონები, რომელიც ეწინააღმდეგება მათ ნარატივს, მე ამის მოლოდინი არ მაქვს. პირიქით, მგონია, რომ კიდევ გაძლიერდება ეს წნეხი, - განაცხადა გადაცემაში „იმედი LIVE“ პარტია „ერთიანი ნეიტრალური საქართველოს“ მრჩეველმა, დიპლომატმა კოტე ჟღენტმა ევროკავშირთან ურთიერთობებზე საუბრისას.
მისი თქმით, მნიშვნელოვანია, რომ საქართველოს ჰქონდეს განსაზღვრულ,ი რა გზით მიდის და რა სურს იმ შემთხვევაში, თუ არ შეიცვალა ევროკავშირის დამოკიდებულება ჩვენი ქვეყნის მიმართ.
„განვსაზღვროთ რა ნაბიჯებს ვდგამთ თუ ნეგატიურად წავიდა ყველაფერი და არც 2028 წლისთვის და არც 2030 წლისთვის არ შეიცვალა ევროკავშირი და იგივე განაგრძო. აი, მაშინ საქართველო რას აკეთებს? ისევ ვაცხადებთ იმას, რომ გინდა თუ არა მივდივართ ევროკავშირში, როგორიც არის ისეთში და როგორც გვექცევა ისეთში?! რამდენი უსამართლო რაღაც მოვისმინეთ“, - განაცხადა კოტე ჟღენტმა.
