კოტე ჟღენტი: იქნებ ვცადოთ ნეიტრალიტეტი, ვცადოთ „ნეიტრალური საქართველოს“ მრავალვექტორული პოლიტიკა, რომელიც მიმართულია როგორც დასავლეთთან, ისე აღმოსავლეთთან თანამშრომლობაზე
იქნებ ვცადოთ ნეიტრალიტეტი, ვცადოთ „ნეიტრალური საქართველოს“ მრავალვექტორული პოლიტიკა, რომელიც მიმართულია როგორც დასავლეთთან, ისე აღმოსავლეთთან თანამშრომლობაზე, - განაცხადა გადაცემაში „იმედი Live” „ერთიანი ნეიტრალური საქართველოს“ მრჩეველმა საერთაშორისო ურთიერთობების საკითხებში კოტე ჟღენტმა.
მისივე თქმით, საქართველოს წინააღმდეგ მიმდინარე საერთაშორისო პროცესები ლიბერალურ-გლობალისტურ ძალებსა და კონსერვატორულ ძალებს შორის ბრძოლაა.
„ეს არის ბრძოლა ლიბერალურ-გლობალისტურ ძალებსა და კონსერვატორულ ძალებს შორის, რომლის სათავეში დგას გლობალური ომის პარტია, რომელსაც არანაირად არ აწყობს ამ ნარატივის შეცვლა. მიუღებელია ისეთი ქვეყნები, როგორიც საქართველოა და სხვა ქვეყნები, რომლებიც ეროვნულ, საკუთარ ინტერესებს ითვალისწინებენ პირველ რიგში. ეს მისაღები გახდება მხოლოდ იმ შემთხვევაში, თუ ევროპის წამყვან ქვეყნებში შეიცვლება მთავრობები, მაგრამ არ დაუშვეს ამას გლობალური ომის პარტია.
თუ არ შეიცვალა ეს ევროკავშირი, თუ არ შეიცვალა მსოფლიოს წამყვანი ქვეყნების მიდგომა და საქართველოზე წნეხი არ მოიშალა, აქ პასუხი არის ის, რომ მივხედოთ ჩვენს თავს. იქნებ ვცადოთ ნეიტრალიტეტი, ვცადოთ „ნეიტრალური საქართველოს“ მრავალვექტორული პოლიტიკა, რომელიც მიმართულია როგორც დასავლეთთან, ისე აღმოსავლეთთან თანამშრომლობაზე“, - განაცხადა კოტე ჟღენტმა.
იმედი
წყარო: imedinews.ge