კოტე ჟღენტი: რაც შეეხება ევროკავშირს, ახლა რაც ხდება ევროპაში, რამდენად კავშირია, ესეც ხომ ფაქტია და ხელისგულზე დევს. დარწმუნებული ვარ, თუ შეიცვლება, შეიცვლება უარესობისკენ და არა უკეთესობისკენ

რაც შეეხება ევროკავშირს, ეს ახლა რამდენად კავშირია, ახლა რაც ხდება ევროპაში, ესეც ხომ ფაქტია და ხელისგულზე დევს, - განაცხადა გადაცემაში „ღია ეთერი“ პარტია „ერთიანი ნეიტრალურ საქართველოს“ წევრმა კოტე ჟღენტმა.

ჟღენტის თქმით, ვერ ხედავს საფუძველს, რომ ევროკავშირი უკეთესობისკენ შეიცვლება.

„რაც საუბარი დავიწყეთ, ჩვენ აქ უფრო ვსაუბრობთ წარსულზე. ზოგჯერ უფრო შორ წარსულზე, ზოგჯერ უფრო ნაკლებად შორზე და არ ვსაუბრობთ, ახლა რაც ხდება, მომავალში რა შეიძლება, მოხდეს, თუნდაც ევროკავშირთან მიმართებით.

აი, ახალგაზრდამ ევროატლანტიკური გაერთიანება ახსენა. სად არის ევროატლანტიკური გაერთიანება. თუ ვინმეს ტრამპი არ მოსწონს, რადგან ამბობს, არ არისო [ევროატლანტიკური ალიანსი], გუშინ ბატონმა მერცმა განაცხადა, რომ აღარ არისო ევროატლანტიკური გაერთიანება. ასე რომ, მოდით, ერთ რამეზე შევთანხმდეთ, ევროატლანტიკურს ნამდვილად დავანებოთ თავი, ისეთი წინააღმდეგობებია ამერიკასა და ევროპას შორის. ანუ, ევროატლანტიკურის წევრებს შორის, პრაქტიკულად, არ არის [ალიანსი]. რაც შეეხება ევროკავშირს, ეს ახლა რამდენად კავშირია, ახლა რაც ხდება ევროპაში, ესეც ხომ ფაქტია და ხელისგულზე დევს. ძალიან ხშირად ჩვენი მთავრობის წარმომადგენლებს, პარლამენტშიც მათ მომხრეებს უთქვამთ, რომ იმედი აქვთ, ევროკავშირი შეიცვლება. მე გულახდილად გეუბნებით, რომ ამის არანაირ საფუძველს არ ვხედავ და დარწმუნებული ვარ, თუ შეიცვლება, შეიცვლება უარესობისკენ და არა უკეთესობისკენ“, - აღნიშნა მან.