„ყველანაირად ვეცდები, ვასახელო ჩემი ქვეყანა“ - მერაბ დვალიშვილი RAF Georgia-სთვის ემზადება

ყველანაირად ვეცდები, ვასახელო ჩემი ქვეყანა, - განაცხადა UFC-ს მებრძოლმა მერაბ დავლიშვილმა, რომელიც თბილისშია და RAF Georgia-ზე გამოსვლისთვის ემზადება.

ის ღონისძიების მთავარ ბრძოლაში ჰენრი სეხუდოს დაუპირისპირდება.

„არ იქნება ადვილი ჭიდაობა ჩემთვის ჰენრი სეხუდოსთან იმიტომ, რომ MMA-ზე ვარ კონცენტრირებული, მაგრამ ამ ერთ კვირას გამოვიყენებ იმისთვის, რომ მოვემზადო მაქსიმალურად და ჭიდაობაშიც დავამარცხო ჰენრი სეხუდო“, - აღნიშნა დვალიშვილმა მედიასთან საუბარში.

დვალიშვილის გარდა, 11 ივლისს კიდევ ოთხი ქართველი სპორტსმენი - გივი მაჭარაშვილი, ვლადიმერ გამყრელიძე, გენო პეტრიაშვილი და ვლადიმერ ხინჩეგაშვილი იჭიდავებს.

RAF Georgia -ს პირდაპირ რეპორტაჟს ტელეკომპანია „იმედი“ შაბათს, 20:00 საათიდან შემოგთავაზებთ. ოლიმპიური და მსოფლიო ჩემპიონები, MMA-ს ვარსკვლავები და უმაღლესი დონის სპორტსმენები დიდი გამარჯვების მოლოდინში არიან.