ლაიფციგში ავტომობილი ქვეითებს შეეჯახა - დაიღუპა 2, დაშავებულია 22 ადამიანი
იმედი|imedinews.ge
გერმანიის ქალაქ ლაიფციგში მომხდარი ინციდენტის შედეგად დაშავებულთა რაოდენობა 22-მდე გაიზარდა. ინფორმაციას ამის შესახებ სააგენტო dpa და გამოცემა Bild პოლიციაზე დაყრდნობით ავრცელებენ.
დაღუპულთა რაოდენობა უცვლელია - შემთხვევას ორი ადამიანი ემსხვერპლა.
პოლიციის წინასწარი ანგარიშის თანახმად, შემთხვევა მოხდა გრიმაიშე შტრასეზე. ეს არის ერთ-ერთი მთავარი სავაჭრო ქუჩა, რომელიც ქალაქის ცენტრალურ ნაწილში მდებარე ორ უმნიშვნელოვანეს წერტილს აკავშირებს.
ამ დროისთვის სამართალდამცველები შემთხვევის ადგილზე მუშაობენ და მომხდარის მიზეზებს ადგენენ.
გაზიარება:
იმედი
წყარო: imedinews.ge