ლაშა რიჟამაძე: პარლამენტის დროებითი კომისიის დასკვნას მთლიანად სადისტრიბუციო და მწარმოებელთა სექტორი იზიარებს

კომისიის დასკვნას მთლიანად სადისტრიბუციო და მწარმოებელთა სექტორი იზიარებს, - განაცხადა „ქრონიკასთან“ დისტრიბუტორთა ბიზნესასოციაციის თავმჯდომარე ლაშა რიჟამაძემ.

„რა თქმა უნდა ყველა ბიზნესსუბიექტის ჩართულობა მისასალმებელია, მნიშვნელოვანია ყველას ჩართულობა იმ პროცესში, რამაც პროდუქციის ფასზე შეიძლება დადებითი გავლენა მოახდინოს“, - აღნიშნა მან.

მსხვილი ქსელური მარკეტები პირველადი მოხმარების პროდუქტებს გააიაფებენ. რამდენიმე დღეში დახლებზე პროდუქტების ფასი შემცირდება. „საოჯახო კალათის" ფარგლებში განსაკუთრებული შეთავაზებები მუდმივად გავრცელდება. სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელმა პარლამენტის დროებითმა კომისიამ შემაჯამებელ სხდომაზე დასკვნა მიიღო.