ლევან მაჭავარიანი ევროპარლამენტის „ქარდზე“: უფრო დამაჯერებლები, რომ იყვნენ, ვურჩევდი, სხვა ქვეყნებზეც ისაუბრონ. მაგალითად, უკრაინასა და მოლდოვაზე, რომ კორუფციაში იხრჩობა ეს ორი ქვეყანა, რომ ადამიანის უფლებები უხეშად ირღვევა, რომ აკრძალეს ოპოზიციური პარტიები, მედია საშუალებები
როდესაც მხოლოდ ჩვენ გვაბრალებენ იმას, რაც რეალობაში არ არსებობს და რეალობაზე არ საუბრობენ სხვა ქვეყნებთან მიმართებით, რა თქმა უნდა, ჩვენი მოქალაქეების აბსოლუტური უმრავლესობის თვალში ეს არის სისულელე, - განაცხადა საპარლამენტო ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა რასა იუკნევიჩიანეს ანგარიშიდან გაკეთებულ „ქარდზე" საუბრისას, რომელიც ევროპარლამენტმა სოციალურ ქსელ X-ში გამოაქვეყნა.
მისი თქმით, თუ ევროკავშირში ისაუბრებენ უკრაინასა და მოლდოვაში არსებულ სიტუაციებზეც, შესაძლოა, შემდეგ მათი ნათქვამი საქართველოზე ოდნავ უფრო დამაჯერებელი გახდეს ხალხისთვის.
„უფრო დამაჯერებლები, რომ იყვნენ ისინი, მე ვურჩევდი, რომ სხვა ქვეყნებზეც ისაუბრონ. მაგალითად, უკრაინასა და მოლდოვაზე ისაუბრონ, რომ კორუფციაში იხრჩობა ეს ორი ქვეყანა, რომ ადამიანის უფლებები უხეშად ირღვევა, რომ აკრძალეს ოპოზიციური პარტიები, მედია საშუალებები. თუ ისინი ამ ყველაფერზე ისაუბრებენ, მაშინ მათი ეს უსაფუძვლო ბრალდებები ჩვენი ქვეყნის მიმართ შეიძლება უფრო დამაჯერებელი იყოს ჩვენი საზოგადოებისთვის. თუმცა, როდესაც მხოლოდ ჩვენ გვაბრალებენ იმას, რაც რეალობაში არ არსებობს და რეალობაზე არ საუბრობენ სხვა ქვეყნებთან მიმართებით, რა თქმა უნდა, ჩვენი მოქალაქეების აბსოლუტური უმრავლესობის თვალში ეს არის სისულელე“, - აღნიშნა მაჭავარიანმა.
იმედი
წყარო: imedinews.ge