ლევან მახაშვილი ბრიუსელში გამართულ შეხვედრაზე: სრულფასოვანი პოლიტიკური დიალოგი აუცილებელია, რადგან არის იმ ტიპის, ფორმისა და შინაარსის საკითხები, რაზეც შორიდან საუბარი სასურველი არ არის

სრულფასოვანი პოლიტიკური დიალოგი აუცილებელია, რადგან არის იმ ტიპის, ფორმისა და შინაარსის საკითხები, რაზეც ასე შორიდან საუბარი სასურველი არ არის, - განუცხადა „ქრონიკას“ ბრიუსელში საქართველოს პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა.

მან კომენტარი გააკეთა ბელგიის საგარეო საქმეთა სამინისტროში საქართველოს საპარლამენტო დელეგაციის წევრებთან გამართულ შეხვედრაზე. მისივე თქმით, სხვადასხვა თემაზე კონსტრუქციული, გულწრფელი საუბარი სასურველია.

„ამ მხრივ იყო მნიშვნელოვანი შესაძლებლობა და იმედია, რომ მომავალში ჩვენ ასევე გვექნება იმის შესაძლებლობა, რომ სრულფასოვანი დიალოგის აღდგენის პირობებში ყველა საკითხი განვიხილოთ და რაც მთავარია, რაღაც საერთო კომპრომისულ პოზიციებზე შევჯერდეთ“, - აღნიშნა მახაშვილმა.

საქართველოს საპარლამენტო დელეგაციის ვიზიტი ბრიუსელში გრძელდება. ქართველ დეპუტატებს შეხვედრა ჰქონდათ ბელგიის საგარეო საქმეთა სამინისტროში. ორმხრივ ურთიერთობებთან ერთად, განიხილეს საქართველო ევროკავშირს შორის არსებული ურთიერთობებიც. ქართველი დეპუტატების ვიზიტი ბელგიაში დღეს დასრულდება.