ლევან მახაშვილი კაია კალასზე: კარგად გამოჩნდა ვინ არის მთავარი მურმანის ეკალი ამ ურთიერთობებში და ვინ ცდილობს ურთიერთობების აწყობას

კარგად გამოჩნდა ვინ არის მთავარი მურმანის ეკალი ამ ურთიერთობებში და ვინ ცდილობს ურთიერთობების აწყობას, - განაცხადა გადაცემაში „დღის ქრონიკა“ პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა.

მისივე თქმით, კაია კალასი ხიდის ჩატეხაზე საუბრობს და ძველ ბრალდებებს გადამღერებულს ახლიდან აყენებს საქართველოს მიმართ.

„ჩვენ ამდენი ხანია ვსაუბრობთ დიალოგზე, მათ შორის წვერი სახელმწიფოებიც, თუნდაც ამ სამიტის განმავლობაში ბევრი მათგანისგან მოვისმინეთ დიალოგისკენ მოწოდება და ამ დროს ეს ადამიანი ზოგიერთ სხვა სახელმწიფოსთან ერთად ისევ ამ ხიდის ჩატეხაზე საუბრობს და ძველ ბრალდებებს გადამღერებულს ახლიდან აყენებს საქართველოს მიმართ.

ძველ დაფინანსებებზეა საუბარი, წლების წინ უკვე მერამდენედ დაყვედრებულ სესხზე, რომლის პარალელურად 20-ჯერ მეტი მიიღო საქართველომ სწორი ეკონომიკური პოლიტიკის გამო. ამიტომ ეს ზღაპრები მოუყვნენ თავიანთ პოლიტიკურ აქტივს. ჩვენი მთავარი მოტივაცია არის მომავალზე ორიენტირება. ჩვენ ვიყურებით მომავალში, ვხედავთ, რომ ბევრი გამოწვევის მიუხედავად არაერთი ძალიან კარგი შესაძლებლობა იქმნება ამ რეგიონში და ვცდილობთ, რომ ეს შესაძლებლობები გამოვიყენოთ ჩვენი მოქალაქეებისთვის. ჩვენ მზად ვართ ამ პროცესში ჩავერთოთ ყველა პარტნიორთან“, - აღნიშნა ლევან მახაშვილმა.

ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი აცხადებს, რომ ევროკავშირში გაწევრების სურვილის მიუხედავად, საქართველოს ხელისუფლება არასწორი მიმართულებით დგამს ნაბიჯს. მიზეზად დაფინანსების გამოყოფის შეზღუდვას ასახელებს. საუბარია საქართველოს ხელისუფლების მიერ გამჭვირვალობის უზრუნველყოფაზე.