ლევან მახაშვილი: მიზანმიმართულად, თვეების განმავლობაში გეგმავდნენ, რომ პირველივე შესაძლებლობის დროს შეეზღუდათ „იმედის“ საქმიანობა. ფაქტია, რომ არის კონკრეტული გეგმა, რომ შეზღუდონ ის ტელევიზიები, რომლებიც სიმართლეს საუბრობენ

მიზანმიმართულად, გეგმაზომიერად თვეების განმავლობაში გეგმავდნენ, რომ პირველივე შესაძლებლობის დროს შეეზღუდათ „იმედის“ საქმიანობა, - განაცხადა პარლამენტის ევროპასთან ინტეგრაციის კომიტეტის თავმჯდომარემ ლევან მახაშვილმა.

მისი თქმით, ფაქტია სურთ, რომ შეზღუდონ იმ ქართული ტელევიზიების საქმიანობა, რომლებიც სიმართლეს გადმოსცემენ.

„ამაზე საჯაროდაც საუბრობდნენ, ხან რეზოლუციებში წერენ, ხან ინდივიდუალურად მიმართავენ წევრ სახელმწიფოებს. ფაქტია, რომ არის კონკრეტული გეგმა, რომ ქართული ტელევიზიები შეიზღუდოს, ის ტელევიზიები, რომლებიც სიმართლეს საუბრობენ, რომლებიც არ ჩუმდებიან, როდესაც არის კრიტიკული სიტუაცია ამა თუ იმ საკითხთან დაკავშირებით“, - აღნიშნა მახაშვილმა.

კონკრეტული ევროპარლამენტარები აღიარებენ, რომ ტელეკომპანია „იმედის“ წინააღმდეგ თვეებია მუშაობენ - პროცესში ჩართული იყო რადიკალებთან დაახლოებული ელენე მეტრეველი, რომელიც „იმედისთვის“ დაწესებულ შეზღუდვას საკუთარ მიღწევად აღიქვამს.

ევროპარლამენტში მუშაობა ტელეკომპანია „იმედს“, „რუსთავი 2“-სა და PosTV-ს 1 წლით აეკრძალათ.