ლევან მახაშვილი ნორვეგიის ელჩისა და გვარამია-ჯაფარიძის ფარულ შეხვედრაზე: წარსულმა გამოცდილებამ აჩვენა, რომ ასეთი გადაწყვეტილებები ხელს უშლიდა ნორმალური პოლიტიკური კულტურის განვითარებას ქვეყანაში და საბოლოო ჯამში, აზიანებდა საქართველოს და ამ კონკრეტული ქვეყნების ორმხრივ ურთიერთობებს

წარსულმა გამოცდილებამ აჩვენა, რომ ასეთი გადაწყვეტილებები ხელს უშლიდა ნორმალური პოლიტიკური კულტურის განვითარებას ქვეყანაში და საბოლოო ჯამში, აზიანებდა საქართველოს და ამ კონკრეტული ქვეყნების ორმხრივ ურთიერთობებს, - განაცხადა ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა „ქრონიკასთან“.

დეპუტატი ნიკა გვარამიასა და ზურა ჯაფარიძის ნორვეგიის ელჩთან ფარულ შეხვედრას გამოეხმაურა.

„მოლოდინი შეიძლება იგივე გვქონდეს, რომ ამ შეხვედრამ წინა გამოცდილებიდან, კიდევ ერთხელ წაახალისოს პოლიტიკური რადიკალიზაცია. განსაკუთრებით ახალ დიპლომატებს, რომლებიც ახლა იწყებენ დიპლომატიურ საქმიანობას საქართველოში, მოვუწოდებდი, რომ ძალიან ფრთხილად მოეკიდონ თითოეულ ნაბიჯსა და გადაწყვეტილებას. წარსულმა გამოცდილებამ აჩვენა, რომ ასეთი გადაწყვეტილებები ხელს უშლიდა ნორმალური პოლიტიკური კულტურის განვითარებას ქვეყანაში და საბოლოო ჯამში, აზიანებდა საქართველოს და ამ კონკრეტული ქვეყნების ორმხრივ ურთიერთობებს“, - აღნიშნა მახაშვილმა.

„ქრონიკის“ ექსკლუზიური ინფორმაციით, ნიკა გვარამია და ზურა ჯაფარიძე ნორვეგიის ელჩს ფარულად შეხვდნენ, როგორც ირკვევა ინიციატორი თავად დიპლომატი იყო.