მაია ბითაძე: ის ფაქტი, რომ 577 დეპუტატიდან მხოლოდ 68 უჭერს მხარს ამ სამარცხვინო რეზოლუციას, უკვე მიუთითებს იმაზე, რომ თვითონ საფრანგეთშიც კარგად იაზრებენ, რომ ასეთი ტიპის რეზოლუციები არის საერთაშორისო სამართლის უხეში დარღვევა

ის ფაქტი, რომ 577 დეპუტატიდან მხოლოდ 68 უჭერს მხარს ამ სამარცხვინო რეზოლუციას, უკვე ნათლად მიუთითებს იმ გარემოებაზე, რომ თვითონ საფრანგეთშიც და პოლიტიკურ სპექტრშიც კარგად იაზრებენ, რომ ასეთი ტიპის რეზოლუციები არის საერთაშორისო სამართლის უხეში დარღვევა და ქვეყნის საშინაო საქმეებში ჩარევის უხეში მცდელობა, - განაცხადა პარლამენტის გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ.

მისივე თქმით, საფრანგეთში დეპუტატების მიერ აქტიურად განიხილებოდა და მიიღეს კიდეც უცხოური ჩარევის წინააღმდეგ სამართლებრივი აქტი.

„სალომე ზურაბიშვილი ესწრებოდა ამ სხდომას და ეს კიდევ ერთი ნათელი მაგალითია იმ მოღალატეობრივი ქმედებებისა ყოფილი და სამარცხვინო პრეზიდენტის მხრიდან, რომელიც ცდილობს საკუთარი სამშობლოს დაზიანებას, თუ საქართველოს მის სამშობლოს ვუწოდებთ“, - აღნიშნა მაია ბითაძემ.

საფრანგეთის 577-კაციან პარლამენტში, დოკუმენტის განხილვას 95 დეპუტატი ესწრებოდა, მის მიღებას მხარი 68-მ დაუჭირა, 22-მა ხმა წინააღმდეგ მისცა. სხდომას ესწრებოდა სალომე ზურაბიშვილიც.