მაკა ბოჭორიშვილი: ჩვენ სტრატეგიული მოთმინებით შეგვიძლია დაველოდოთ იმას, თუ როდის გააცნობიერებს ბრიუსელი, რომ საქართველოსთან დიალოგი არა მხოლოდ საქართველოსთვის სჭირდებათ, არამედ ევროპული მომავლისთვის არის საჭირო და ეს საერთო ინტერესში შედის

ჩვენ სტრატეგიული მოთმინებით შეგვიძლია დაველოდოთ იმას, თუ როდის გააცნობიერებს ბრიუსელი, რომ საქართველოსთან დიალოგი არა მხოლოდ საქართველოსთვის სჭირდებათ, არამედ ევროპული მომავლისთვის არის საჭირო და ეს საერთო ინტერესში შედის, - განაცხადა „დღის ქრონიკასთან“ ვიცე-პრემიერმა, საგარეო საქმეთა მინისტრმა მაკა ბოჭორიშვილმა.

მისი თქმით, იმ დრომდე, სანამ ბრიუსელი გააცნობიერებს, რამდენად სჭირდება საქართველო, ჩვენი ქვეყანა აგრძელებს კავშირების გაფართოებას სხვადასხვა ქვეყანასთან.

„ევროკავშირთან საქართველოს აქვს ძალიან მტკიცე და სოლიდური საფუძველი ურთიერთობების. ჩვენს ურთიერთობას, რა თქმა უნდა, სჭირდება მომავალში განვითარება, მაგრამ ამას ორივე მხარისგან სჭირდება ნება. საქართველოს ყოველთვის აქვს განსაზღვრული ეს სტრატეგიული მიმართულება და ჩვენ სტრატეგიული მოთმინებით შეგვიძლია დაველოდოთ იმას, თუ როდის გააცნობიერებს ბრიუსელი, რომ საქართველოსთან დიალოგი არა მხოლოდ საქართველოსთვის სჭირდებათ, არამედ ევროპული მომავლისთვის არის საჭირო და ეს საერთო ინტერესში შედის.

თუმცა, ჩვენ ამის შესაძლებლობა და დრო გვაქვს, რომ დაველოდოთ, ვიდრე ის ადამიანები, ვინც არიან ვალდებული, რომ გააცნობიერონ და იზრუნონ საგარეო პოლიტიკაზე, იზრუნონ ევროკავშირის მომავალი კავშირების გაძლიერებაზე სხვადასხვა მიმართულებით, ამაზე დაფიქრდებიან და გააცნობიერებენ.

მანამდე ჩვენ გვაქვს ჩვენი საქმე გასაკეთებელი, ძალიან ბევრი მიმართულებით განვავითაროთ ჩვენი კავშირები, რაც არა მხოლოდ საქართველოს ინტერესებშია და საქართველოსთვის იქნება სიკეთის მომტანი, არამედ საერთო ევროპული ინტერესიც არის ეს“, - განაცხადა მაკა ბოჭორიშვილმა.